LAWMNA CHANG HRIAT MIN ZIRTIR - C.ZARMAWIA

He lei ka zinna ramah hian,

Harsatna tin reng paltlangin 

Malsawm, hlimna mikhual ang chauh,

Cham hlen lo tur an ni si.

(Chorus)

Mahse Thlarau thianghlim chuan,

Lawmna chang hriat min zirtir,

Aw, Ka lawmna ava sang em,

Ka Pathian a ka lawmna hi.

Kei leh kan chhungkua tlin lohna,

Haidera min la pawm duhtu,

Lalpa eng em nge ka nih a,

I laka kan hlut em hi.

A ruka zaka kimki thin,

A thisenin min hnehsak ta,

Ka nun thuruk lawm ti sangtu,

Min chawi sangtu alo ni.

Pathian Rilru

Pathian Min Hmangaihna

Rom 6:23      Sual man chu thihna a nisi a; Pathian thil thlawn pek erawh chu, kan Lalpa Krista Isua zarah chuan, chatuan a nunna a ni.

Johana 3:16   Pathianin khawvel a hmangaih em em a, chutichuan a Fapa mal neih chhun a pe a,

          amah chu tupawh a ring apiang an boral lova, chatuan a nunna an neih zawk nan.

        Nang leh kei hi Misual Pathian laka mi hrang boral tur kan nih kan in hria a, Chhandamna kawng min hawnsaktu Lal Isua tuarna rapthlak zia pawh kan hria; Chu chu Pa Pathian min hmangaihna avang a nih pawh kan hre tam hle tawhawm e.Mahse hre tam hle tawh mah ila tun hunah hian, min hmangaihna min hriattir nawn leh a duh a ni.

Johana 3:17         Khawvel thiam loh chantirturin Pathianin a Fa khawvelah a tir lo, khawvel amah avanga an dam theihna turin a tir a ni zawk e.

Pathian hian thiam loh min chantirturin a Fapakhawvelah alo tir lo tih hi hria ila, Kan dam theih nan, a rawntir a ni zawk.(uluk takin han ngaihtuah nawn leh teh)

Matthaia 12:37  I thu chuan thiam a chantir ang chia, i thu vek chuan thiamloh a chantir bawk dawn che a sin," tih kan hmu a, Kan Pathian hi thiam min chantirtu tur leh thiamloh min chantirtu tur hi a nilo tih kan hmu a, Pathian hi kan hlau em em a, mahse hlauhna ringawt chuan rei tak min khalh ngil thei silo a, Ni alo chhuak a kan bul vela ringlo mi te chevel kan hmu a, chu chuan kan hlauhna a ti bova, thil sual ti thin midang te thlirin kan thinlung chu thil sual ti turin alo ngampa leh ta thin a, kan lo tisual leh ta nge nge a, tichuan, Pathian chuan “ I tihsual leh chuan ka vua ang che’, a ti lo a, “ka hrem ang che," pawh a tilova, Mahse a tisualtu in ka in hriat miau avangin, Pathian lakah min in kil tawih tir a, Pathian chuan min hnaih leh ta lo ang hial in kan in ngaia, min hmangaihna chu Mihring in hmangaihna ang chauh a teh in, sual kawng kan han zawh tak tak chuan Pathian hian min thlah thlam deuh ni te in kan in hre thin.

         

          Hei hi Sual Setana thil tum leh hmanraw pawimawh berte zinga mi a ni. Pathian chu țih baiawm tak, a duh loh zawng kan tih chuan min hlat sana, kan tihsual rah kan seng chuan “ Kha kha a ni mai reng dawn a sin,” ti duh hmelpu, “Ka lam ilo hawi hma chu i lam ka lo hawi bik lovang,” ti țhin ah kan ngai fo thin.

          

Fapa tlanbo 

kha ril tam leh chau taka a awmlai khan, a Pa-in, In atangin “:Eng tik ah nge ka fapa chu a lo haw ang le ,” tiin a thlir reng kha a ni a, Mahse a fapa khan, a pa-in a hawlo a, a thil tih sual ah khan ensan emaw hrem tumna emaw a neilo a ahmangaihin a ngai em em a, alo haw hun nghak khan athlir reng thin zawk a ni tih kha  a hre lo reng reng a ni.

         

Mahse, a Pa rilru tur kha, a tihsualna hmun atang khan suangtuahin, haw leh kha a huphurh em em a, riltama thih tawp ai chuan “inhlawhfa pakhat angin min siamrawh,” titurin a kirleh chauh a nihkha..

          Sual Setana hian thisen meuh chhuaka I thih aia thi duh khawpa hmangaihtu che hmangaihna hi I hriatchian a hlauemem a, I neihleh I taksa thatna zawng zawng I chenral hnu pawhin, I tana engkim siamtu, nangmah avanga thil ropui takbuatsaih tu hnen lama kir lova, I hawdawnchuanhrehawmnalehengkimchan/kalsanvektura in ngaihnarilrunangmah-ah khan a dah tlat a ni.. LalIsua, I Pa diktak, asimtuchehianangahkrengche a sin.

         

         

I tana a thiltihte hi I ngaihtuah nga iem?

Matthaia 6:26          chungleng sava te hi en rawh u; buh an tuh lo va, an at hek lo, buhinah an sengluthek lo; nimahsela in Pa vana mi chuan a chawmsi a. Nangnichuanniaichuannasatakin in hluzawk lo vemni?

Jeremia 33:3 Mi au la, ka chhâng ang che, thil ropui leh inthup i hriat ngailoh chu ka entir ang che.

          Thilsiam chi hranghrangte hi hetia awma mawi em em atan ringawt em ni siam an nih ang,  Pathin ropui nan ti ila, an puang chhuak zo si lovang, Engkim hi ahmangaihte tan ani, Vana thil danglam tak takte leh Arsite, Tuifinriat chhunga thilmawi tak takte hi, Hmangaihtu Pathian in a hmangaihtetana a siam a ni, thlifim thaw heuh heuh mai te pawh, ruah leh Ni te hi Pathian in a hmangaih em em, I tan apek che a ni. I mit I khap theihna tura mittuit,e duhthlanna diktak I siamtheih nana ngaihtuahna fimtakte, engkim hi ahmangaihna lantirna a ni a sin…Ni alo chhuahleh na chhante pawh hi amah I pan ngeitheih nana khawngaihna hun ala pekna che Hmangaihna lantirtu a ni a sin..

Pathian Hmangaihna leh dawhtheihna hi inrinhlelh nan hmang khawtlai suh..Pathian hmangaihna sawifiah ka tum lo..Pathianin a hmangaih che tih hi kahrilh ka duh che a ni

Pathian in ahmangaihnache hi a awmrengang a..Mahseahmangaihna I chhanlet theih hun hian tawpchin a nei dawn.

Muangchang lul suh..

Pathian in a hmangaih che

Nun hi !!

🙇🏻➖➖➖➖➖➖➖➖🙇🏻

Mahni nihna dik tak inbih chiang ngam lova nih tum la nih si loh anga lan hi thil awl tak niin alang. Kan thusawi pawmtu an tam hian sawi dik, hre dik ni a inngaiha midang thusawi nui chunga buk liam san mai mai hi thil awl tak niin alang bawk.

Nitin hian ni thar ila hman loh, ila experience loh, ila hmuh loh i hmangin i tawng chho zel a ni tih hria la, hring nun hi chapo nan chuan atawi lua em mai.. He khawvelah hi chuan nunna hian thihna a keng tel a.. Hlimna hian lungngaihna a keng tel bawk a, alo thlen hun lah tu hriat lawk theih a nisi lo. Tunge hming thatna pianpui tawh a, tunge ropuina leh hming thanna pian pui tawh. Hming thanna leh ropuina te, Hming thatna leh chawimawina te hi azarzo tu an awm loh chuan ṭhal lai chhum ruahtui pai lo ang chauh a ni ang. Mi hausa ten an thla muanna atan an ban phak maia an sum an dah reng ang aia hnaiin Mirethei leh harsa te tan kan harsatna min hriatthiam puitu Pathian chu amah mamawh tu apiang te tan a in hawng a. A chak chak din channa khawvel ah hian mi chak lo te tan Khawvel siamtu Pathian ropuia chuan dinchhuah ve dan thuruk a duh piangte hnenah hrilh a inhuam renga; Mifingte a tih mualpho theih nan khawvel thil a te a thlang a, a thlan ate tan lah mahni nihna theihnghilh ṭhak a khawsak lah a awl, tawp chin nei khawvelah hian uan hi alo va awl tak em. Thutak aiin thutha  tuipui te hi thil awl tak a nih hi. Lalpa tel lovin mihringin enge a tih theih; chhiarkawp thiam chuan lehkha phekah chawk fel thei mahse, ama mimal buaina a chawk fel thei em? Ruh doctor chuan ruh tliak zawm thei mahse, thinlung keh sawm a tuam pum thei em? Engineer chuan a riruang aṭangin engkim hmufiah nghal vek mahse, khawiah nge nitin nun dan tur a hmuh fiah theih ang...

LALPA ṭih la a thu pekte vawng rawh tih hi alo va dik em. 

🖋🖋🖋🖋🖋📜📜📜📜📜🖋🖋🖋🖋🖋🖋

KRAWS IN MIN XRAY NA.

Pathian hming aiin ka hming lanna ka ngaihtuah.

Pathian ka tih ropui chuan ka ropui ve dawn a ni tih ka hriat avangin ka thawk.

Thlarau bo aiin Ka thlarau chan țhatna ka ngaihtuah.

Mi thinlunga Pathian hming tih ropui aiin mi thinlunga ka hming lantir ka duh.

Mi thinglungah Pathian aiin tlaktlum ka duh.

Pathian ram aiin ka thawh rim ve na chhete Pathianin mal asawm hun ka nghakhlel.

Pathian thu aiin ka ngaihdan hi a Pathian thu in ka hria.

Țawngțaina aiin dikna ka ngai pawimawh.

Pathian aw aiin Setana aw ka hre hma in ka hre tam zawk.

Thlarau bo ka khawngaih a mahse ka vei lo.

Pathian ka hmangaihna avang aiin ka inhmangaihna avangin Pathian rawngbawl ka thlang.

Pathian chakna rin aiin ka chakna Pathian malsawm tir ka tum.

IMEI

IMEI 1:862539035078561
IMEI 2:862539035078579

THIL ENGE MAW TAK

                              ­

Hman deuh khan thawnthu Pakhat, “Thing kung Pathum thawnthu,” tih hi ka chhiar a. Chu thawnthu chu olive thing leh Oak thing leh Far thing chanchin a ni a. Olive thing chuan Mistiri them thiam takin rangkachak nen a belhbawm, a hun mawina leh a tak siamna hmanrua anih ngei ala ring a. Mahse nikhat chu thing kittu chuan rawnkitin ran chaw pekna thleng atan a tuk ta mai a, Olive chuan nep a inti a, a hlutna zawng zawng bo vekin a hria a, a beidawng ta em em mai a.

Chutiang bawkin Oak thing pawh chuan, Lal lawnglian ngul pawimawh taka chantir a la nih ngei a lo beisei a. Tuk khat chu thing kittu lo kalin ala rawn kit ta ngei a; mahse, a beisei loh ang takin, sangha manna lawng naran tak atana hman a ni ta zawk a.

Far thing pawh chuan thing dangte ang bawkin duhthusam a nei ve a. Ani chuan, hmun danga insawn lo va, tlangsang taka awma, Pathian thilsiam timawitu nih reng mai chu a duh a. Nimahsela, zan khat chu tekin vawilehkhatah a rawn deng chhum ta hmawk mai a, duhthusam leh tur pawh a awm ta lo.

Thing Pathum chuan an duhthusam chu an changpha lo. Beidawngin an hun an hmang a ni. Nimahsela, an tan Pathianin thil ruahman mak tak a lo neisa vek hi a lo ni. Kum tam tak a liam hnu chuan thilmak deuh mai a lo thleng a. Mari leh Josefa-te chu Khualbukah riahna chang lovin an vakvai a, chutahchuan ran in-ah thlentir niin,  ran chaw pekna thlengah chuan nausen Isua chu a piang ta. Chu ran chawpekna thleng chu Olive thing beidawng em em mai kha a ni. Olive thing khan Khawvel thil ropui leh rangkachak nena dah nih a duh hle laiin, Pathian chuan chu aia hlu zawk a fapa pian nan a rawn hmang ta a ni. Pathian fapa pianna nih chu a tan chuan a aia hlu reng a awm lo.

Nausen Isua chu a lo seilian deuh deuh va. Ni khat chu dil lehlama kal turin lawng a mamawh a; tichuan, anichuan sangha man lawng tereuhte chu a thlang ta ni. Chu lawng chu kan han tarlan tak Oak thinga siam kha a ni. Lal lawng nih duh oak thing chuan tunahchuan lalte Lal chu a phur ta a ni. A din hmun tur chu I hrethiam nghal mai ang chu.

Tichuan, kum tlemte alo liam leh hnu chuan Rom sipaite chuan Far thing tekin a a den tliah chu, rawn hmu-in an la ta a. Far thing chuan thingtuah atan an la niah ngaiin a lungngaiin a beidawng hle mai a. Nimahsela an tan bung a, kross atan an hmang ta a ni. Chu chu Lal Isua an khenbehna kross chu a ni. Chu thing chu vawiin thleng hian mite ngaihhlut leh ngaihven ber a lo ni ta.

He thawnthu hi a tak anih leh nihloh chu dah tha ta ila. Khang thing Pathumte khan an duhthusam leh beisei chu an hloh vek tawh a, an dinhmun chu phehin an beisei loh ang an chungah a thlengvek a ni, Mahse Pathian fakna hla siamtu chuan “Ka chhiatna tur reng a ngaihtuah ngai lo ve” a ti ang khan, I dinhmun chu lo chhia-in Mihring ngaihtuahna dan atang chuan beiseitur awm tawh lo mahse Rom 4:18 “Beiseina awm a awm loh pawhin ani chuan beisei takin a ring a,”tih Abrahama chung chang kan hmuh ang hian, Lalpa chu ring la Beisei rawh, I nunah dah hmasaber la; I tan hian engemaw tak a ruat  a ni.